“Sabah” XXII turda səfərdə “Səbail” ilə qolsuz bərabərliyə qaldı. Masazır təmsilçisinin Qazaxıstanlı qolkiperi Stas Pokatilov həm “bayquşlar” ilə matç, həm də Azərbaycan futbolu haqqında fikirlərini Forvard.az – a bildirdi.

- Stas, XXIII turda “Səbail”in müqavimətini qıra bilmədiz. Qələbə üçün nə çatmadı?

- “Səbail” ilə oyunumuzun nəticəsi məyuslu heç-heçədir. İndiki vəziyyətimizdə bizə qələbə hava su kimi lazımdır. Düşünürəm ki, 1 xal qazandıq, amma qızıla bərabər 2 xal itirdik.

- Artıq komandaya tam uyğunlaşmısanmı?

- Bəli, uyğunlaşma prosesim çox qısa çəkdi. Uşaqları məni yaxşı, mehriban qarşıladılar. Elə abu–havadayam ki, sanki illərdi “Sabah”da oynayıram.

- Komandadakı həmkarların Yusif İmanov ilə Nicat Mehbalıyevlə münasibətin necədi?

- Onlar xoş, ünsiyyətçil oğlanlardır və münasibətimiz əladır.

- Azərbaycan çempionatınızı ümumilikdə necə dəyərləndirərdin?

- Ümumi götürəndə Qazaxıstan ilə Azərbaycan çempionatı demək olar eynidir. Yeganə fərqlər odur ki, sizin stadionlar bizim futbol məkanlarından bir qədər yaxşıdır. Birdə Azərbacanda əsasən texniki, Qazaxıstanda isə fiziki futbola üstünlük verirlər.

- Azərbaycan Premyer Liqasında uzun müddət futbol oynamaq istəyirsənmi?

- Bu barədə hələlik nəsə deyə bilmərəm, amma burdakı şərait xoşuma gəlir. “Sabah”la müqavilə müddətim yaya kimidir. Mövsümün sonunda yekun qərarımı verə bilərəm.

- Səncə, “Sabah” çempionatın finişinə ilk “3-lük”də gələ biləcəkmi?

- Biz, hər oyuna final matçı kimi yanaşırıq. Odur ki, mükafatçılar sırasında yer almaq üçün bütün gücümüzü ortaya qoyacağıq.

ABDULLA İSMAYILOĞLU