Azərbaycan Premyer Liqasının VI turunda “Sabah” doğma publika qarşısında “Sumqayıt”ı qəbul etdi. İki qolun qeydə alındığı qarşılaşmada tərəflər sülhə razılaşdı. Matçla bağlı “bayquşlar”ın futbolçusu Stiv Solvet Forvard.az – a fikirlərini açıqladı:

“Qalib gəlməli olduğumuz oyun idi. Düşünürəm ki komanda olaraq yaxşı oynadıq. Matçda üstünlük bizim tərəfimizdə idi. 3 qol vurduq, onlardan sadəcə biri qeydə alındı. Bundan başqa da imkanlarımız olsa da, dəyərləndirə bilmədik. Matça 3 xal üçün çıxmışdıq. Qalib gələ bilmədiyimizə görə təəssüf edirəm. Amma olan oldu, nəticə dəyişməyəcək. Artıq bu oyunu unudub qarşıdakı matçımıza hazırlaşmalıyıq”.

ABDULLA İSMAYILOĞLU