Yeni mövsümə hazırlıq prosesi başa çatmaq üzrədir. Hər il olduğu kimi bu il də qadın və kişi komandaları arasında, eləcə də aşağı yaş qrup komandaları arasında yarışlar təşkil olunacaq.

Bu sözləri Forvard.az-a açıqlamasında Azərbaycan Voleybol Federasiyasının mətbuat katibi Şəfəq Kərimova yeni mövsümlə bağlı görülən işlər barəsində deyib:

O, Oktyabr ayının 9-u yeni mövsümlə əlaqədar mətbuat konfransının keçirilməsinin planlaşdırıldığını deyib.

“Yüksək liqa yarışlarında həm kişilərdə, həm də qadınlarda 6 komanda mübarizə aparacaq.


Region komandaları haqqında belə deyə bilərəm ki, artıq ötən mövsümdən etibarən aşağı yaş qrup komandaları arasında keçirilən yarışlarda Region Voleybol Klublarlarının komandaları mübarizə aparırdı. Yeni mövsümdə də RVK-nın komandalarını aşağı yaş qrupları arasında keçiriləcək yarışlarda izləyə biləcəyik. Yüksək liqa yarışlarında isə artıq bizə ötən mövsümdən tanış olan “Gəncə” və debütant “Sumqayıt komandalarını görə biləcəyik”.

Ş.Kərimova sponsor məsələsi haqda bunları qeyd edib: “Bu istiqamətdə də bir çox işlər həyata keçirilib və keçirilir. Hər zaman federasiyanın əsas məqsədi klubların suponsorlar tərəfindən maliyyələşdirilməsi olub. Klublara sponsorlar tərəfindən dəstək olarsa o zaman meydançada da güclü rəqabətli görüşlərə şahidlik edəcəyik. Yeni sponsorlarla əməkdaşlıqlar da gözlənilir”.


Maya Hüseynova