Aydın Süleymanlı Macarıstanın Budapeşt şəhərində keçirilən Ümumdünya Şahmat Olimpiadasında topladığı xallara görə Azərbaycan komandasının lideridir.

Forvard.az xəbər verir ki, birinci lövhədə çıxış edən qrossmeyster hazırda 7 oyun keçirib və 5 xal toplayıb.

Əgər “oyunlar-xallar” nisbətindən danışsaq, Şəhriyar Məmmədyarovun effektivliyini qeyd etmək olar: 5 oyunda 4 xal.

Kişilərdən ibarət Azərbaycan yığması 8 turdan sonra 10 xal toplayaraq 14-cü yerdə qərarlaşıb.

Qadınlardan ibarət yığmamıza gəlincə, Gövhər Beydullayeva 6 oyundan 5 xal toplayaraq komandada birinciliyini qoruyur.

10 xal toplayan qadınlarımız Olimpiadada 19-cu yerdədir.