Çempionlar Liqasının əsas mərhələsinə vəsiqə qazanan “Qarabağ” uzun müddət davam edən hücumçu axtarışını son anda başa vurub. Ağdam təmsilçisi azarkeşlərin yaxşı tanıdığı topçunu yenidən doğma komandaya qaytarır.

Forvard.az-ın əldə etdiyi məlumata görə, Braziliyalı topçu artıq Azərbaycana bilet alıb və müqavilənin rəsmiləşdirilməsi üçün Bakıya gəlir. İlkin razılaşmaya əsasən, onun illik maaşı 1,1 milyon avro olacaq.

29 yaşlı hücumçu 2023-cü ilin yayından “Qarabağ”ın formasını geyinmiş, 81 oyunda 42 qol vurmuşdu.

Qeyd edək ki, 1 büdcə problemi son nöqtəni ləngidir. Hazırda "Qarabağ" rəsmiləri o problemi aradan qaldırmaq üçün çalışır.

Xatırladaq ki, braziliyalı futbolçu bu ilin yanvarında “Flamenqo”ya 5 milyon avroya satılmışdı.

Vüsal İmanov

P.S. Bu haqda ilk xəbəri Sportinfo.az yayıb.