Boks üzrə kadetlər arasında zona birinciliklərinin mükafatçıları müəyyənləşib.

"Forvard.az xəbət verir ki, ölkənin müxtəlif şəhər və rayonlarının klublarını, həmçinin idman cəmiyyətlərini təmsil edən yarışda 50 komandanın 153 idmançısı qüvvəsini sınayıb.

5 gün davam edən turnirin son günündə 17 çəki dərəcəsi üzrə çempion və medalçılar müəyyənləşib.

Turnirin komanda hesabında “Neftçi” İdman Klubu 4 qızıl, 1 gümüş və 3 bürünc medalla birinci yeri tutub. İkinci pilləyə Gəncə (2-2-0) yiyələndiyi halda, “üçlüy”ü Azərbaycan Həmkarlar İttifaqları İdman Təşkilatları Assosiasiyası (AHİTA İB, 2-0-1) qapayıb.
Final mərhələsində ən yaxşı boksçu adına Nurlan Yusifli (Ağdaş) layiq görülüb. Ən yaxşı hakim isə Yovana Uqrenoviç (Serbiya) seçilib.
Yarış çərçivəsində məktəbli qızların da seçmə turniri təşkil olunub və 8 çəkidə ən güclülərin adları dəqiqləşib.

Qeyd edək ki, mükafatçılar yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.