"Qarabağ"ın baş məşqçisi Qurban Qurbanov Avropa Liqasının Liqa mərhələsinin ilk turunda səfərdə "Tottenhem"ə 0:3 hesabı ilə məğlub olduqları oyundan sonra soyunub-geyinmə otağında bir neçə əsas heyət üzvünə sərt iradlarını bildirib.

Forvard.az-ın əldə etdiyi məlumata görə Qurbanov fasilə zamanı və oyundan sonra da əsasən 3 futbolçuya kəskin irad bildirib. Onlar Toral Bayramov, Patrik Andrade və Mateus Silvadır.

Mateus Silvanın oyuna konsentra ola bilməməsi, eyni zamanda oyun ərzində etdiyi səhvlər Qurbanovun etirazına səbəb olub. Baş məşqçi digər futbolçuların da səhvlərinə irad tutub, buraxdığı boşluqları onların diqqətinə çatdırıb. Ümümi komandaya isə diqqətli olmağı tapşırıb. Gələn oyunlarda belə səhvlərin təkrarlanmamasını qəti şəkildə qeyd edib.


Qeyd edək ki, “Qarabağ” Avropa Liqasında Liqa mərhələsinin ilk turundan sonra turnir cədvəlində 34-cü yerdə qərarlaşıb.

Vüsal