Səudiyyə Ərəbistanında “Əl-Nəsr”də çıxış edən Kriştiano Ronaldo klubunu dəyişə bilər.

"Sport Bible"in tanınmış ərəb jurnalisti Nasir Cabbarın məlumatına əsasən, portuqaliyalı forvard 2025-ci ildə keçiriləcək Klublararası dünya çempionatında iştirak etmək üçün hazırkı komandasından ayrılmağı düşünür.

İngiltərə klubları "Çelsi" və "Mançester Siti"nin Ronaldonu transfer etməkdə maraqlı olduğu bildirilir. Futbolçu turnirdə iştirak etmək üçün onlardan biri ilə bir ay müddətinə müqavilə bağlaya bilər.

Ronaldo vaxtilə digər İngiltərə nəhəngi “Mançester Yunayted”də çıxış edib. Bundan əvvəl onun klub mundialında çıxış etmək üçün eyni sxem üzrə “İnter Mayami” ilə müqavilə bağlaya biləcəyi bildirilirdi.

Qeyd edək ki, Ronaldonun klubda 5 oyunluq qol seriyası Səudiyyə Ərəbistanı Pro Liqasının 28-ci turunda “Əl-Qadisiyyə” ilə matçda dayandırılıb və "Əl-Nəsr" 1:2 hesabı ilə məğlub olub