I Liqada mübarizə aparan "Qaradağ Lökbatan" vəziyyəti ürəkaçan deyil. Qəsəbə təmsilçisinin hazırda turnir cədvəlinin dibindədir. Uğursuzluqla bağlı lökbatanlıların qapıçısı Forvard.az - müsahibə verdi.

- 5 turdur qələbə qazana bilmirsiz, komandanın dalana dirənməsində səbəb nədir?

- Son 5 oyunda meydan çox əzmkar mübarizə aparsaq da, bəxtimiz gətirmir. Məğlub olmuruq, amma bizə qələbə lazımdır. Uşaqlar yaxşı döyüşür, amma 3 xalı götürə bilmirik. Son turda "Mingəçevir"lə görüşdə də vacib iki xal itirdik. Hakimi qınamaq istəmirəm, amma məncə, haqlı penaltimiz verilmədi. "Cəbrayıl" ilə xal fərqimiz böyük deyil, odur ki, qarşıdakı 6 oyunda maksimum nəticə göstərməyə fokuslanacağıq. Son turlardakı hər matç finala bərabər olacaq.

- Qələbə qazana bilməməyiniz komandada psixoloji gərginliyə gətiribmi?

- Uğursuzluq təbii ki, psixoloji olaraq təsir edir. Buna baxmayaraq ruhdan düşməməyə çalışırıq.

- Öz performansın barədə nə deyərdin?

- "Qaradağ Lökbatan"da özümü yaxşı hiss edirəm. Burdakı şərait və şərtlər mənim üçün əlverişlidir.

- "Sumqayıt"da çıxış edərkən Azərbaycan vətəndaşlığına keçmək və yığmamızda oynamaq istəyini bildirmişdin. Bu arzunda hələ də qalırsanmı?

- Bəli, qalıram. Amma hələlik Azərbaycan pasportu almamışam.

- "Qaradağ Lökbatan" sənin bu istəyinlə bağlı AFFA-ya rəsmi müraciət edibmi?

- Söhbət olub, amma mənə rəsmi təklif hələki gəlməyib

ABDULLA İSMAYILOĞLU