"Araz Naxçıvan"nın 11 il əvvəlki iddiasını görənlər ya gülərdi, ya əylənərdi, ya da ciddiyə almazdı. 2014-cü ildə loqosunun hansısa çayxananın, yaxud çay evinin pəncərinə yapışdırılmasını sevincək paylaşan klubu təsəvvür edirsinizmi...

Hazırda Azərbaycan çempionatının turnir cədvəlində 3-cü yerdə qərarlaşıb və kubok uğrunda apardığı mübarizədə finala yaxındır. Nəzərə alsaq ki, "Qarabağ" kimi klubu yenib və ya finala keçəcək, deməli, bunu əsl möcüzə saymaq olar. Ədalət naminə desək, hətta böyük əzmkarlıq da hesab etmək olar.

11 əvvəl uşaq kimi sevindikləri hadisə ilə hazırkı vəziyyətləri onu göstərir ki, klub uzun bir yol xəritəsi çəkib - bağçadan universitetə və həyata...

Təbii ki, loqonun qəlyan verilən bir məkanda yerləşdirilməsini "gözəllik" kimi təqdim etmək bir o qədər də yaxşı hal olmasa da, "birinci sinif şagirdi"nin o dövrə aid sevinci bu səviyyədə ola bilərdi.

Belə bir paylaşıma doğrudan da əyləncəli və düşündürücü nəzərlərlə baxmaqda fayda var. Sosial şəbələnin axtarış bölməsində "Araz Naxçıvan" yazırsınız, "playstation", qəlyan, çayxananı əks etdirən posterin yanında yerləşdirilən loqoya sevinən klubun paylaşımını görürsünüz. Bərkdən gülmək istədikdə bölgə futbolunu təmsil edən komandanın hazırkı vəziyyətini göz önünə gətirirsən. Bu onu göstərir ki, istək və hərəkət olacaqsa, nəticələr də əldə olunacaq...

Kimsə sual edə bilər ki, indi bu məqalə ilə tərif etdinmi, yoxsa tənqid etdinmi? Orası sizin gələcəyiniz qənaətdən asılıdır...

Ağa Dadaşzadə
Forvard.az