Mehdi Hüseynzadə adına Sumqayıt şəhər stadionunun yenidən qurulmasına Prezident sərəncamı ilə 2020-ci ildə başlanılmış, tikinti işləri mərhələli şəkildə icra edilməklə 2022-ci ildə başa çatdırılmışdı. Sumqayıtlı futbol azarkeşlərinin sevinci yerə-göyə sığmırdı.

Onların sevimli komandası öz rəqiblərini kibrit qutusuna bənzəyən, kiçik tutumlu "Kapital Bank Arena”da yox, müasir standartlara uyğun şəhər stadionunda qəbul edəcəkdi. "Böyük şəhərin tək komandası”nın yenicə təmirdən çıxan stadionda ilk oyunu "Neftçi”yə qarşı oldu. 4 fevral tarixinə təsadüf edən oyunda tribunalarda əsl bayram yaşanırdı. "Sumqayıt”ın "Neftçi”ni 2:1 hesabıyla məğlub etdiyi qarşılaşmada topa ilk toxunuşu 1966-cı ildə bu arenada baş tutan ilk matçda fərqlənmiş Telman Salahov etdi.


"Sumqayıt”ın sərgilədiyi oyun, qazandığı nəticələr heç də azarkeşlərin ürəyincə deyil. Bəlkə də elə bu səbəbdəndir ki, komandanın ev oyunları zamanı tribunalar tam dolmur. Bu isə "Sumqayıt”ın bilet satışından gəlir əldə edə bilməməsi deməkdir. Məlum məsələdir ki, hansısa tamaşaya tamaşaçı marağı yoxdursa, ordan gəlir əldə etmək də çətinləşir. Azərbaycanda futbol klublarının da bilet satışından qazanc götürmədikləri heç kəsə sirr deyil. Bir vaxtlar "Xəzər Lənkəran”ın "Fırtınalar meydanı”ndakı oyunları zamanı tribunalar dolardı. Ondan sonra heç bir klub belə uğuruyla öyünə bilməz. Bir də ki, "Qarabağ”ın avrokuboklardakı oyunları zamanı tribunalar dolur. Məlum məsələdir ki, "Qarabağ” bilet satışından da müəyyən qazanc əldə edir. Amma bu qazanc da böyük məsrəflər qarşısında elə də gözə görünmür.

Qayıdıram "Sumqayıt”ın məsələsinə. Yararsız legionerlərə görə böyük miqdarda xərcə düşən, ayrılan büdcəni sağa-sola xərcləyən klub boş tribunalar önündə oynadığına görə biletdən gəlir də götürə bilməz. Belədə stadionun saxlanması üçün tələb olunan xərclər də "Sumqayıt”ın büdcəsi üçün əlavə yükə çevrilir. AFFA-nın İntizam Komitəsi bu mövsüm artıq üçüncü dəfədir ki, "Sumqayıt”ı 500 manat cərimələyir. Qərarda qeyd olunur ki, "kimyaçılar” Əsasnamənin tələblərini pozub. Bəs pozulan bu tələb hansıdır? Həmkarlarımız bu səbəbi axtarıb tapıb. Ortaya həm gülməli, həm də ağlamalı mənzərə çıxıb. Sən demə, Mehdi Hüseynzadə adına stadionun qazı kəsildiyindən futbolçular və hakimlər matçdan sonra duş qəbul edə bilmirlər. AFFA da hər dəfəsində klubu 500 manat cərimələyir.

Qaza görə yaranmış borcun məbləğinin 100 min manata yaxın olduğu bildirilir. İdman qurğusu Gənclər və İdman Nazirliyinin balansındadır. Amma nazirlik borcun köhnədən qaldığını, ödənişin şəhər icra hakimiyyəti tərəfindən ödənilməli olduğunu bildirir. Nəticədə biabırçı bir durum yaranıb.

AFFA İntizam Komitəsinin sədri Erkin Hüseynov "Football-plus.az”a belə deyib: "Mehdi Hüseynzadə adına Sumqayıt şəhər stadionunun paltardəyişmə otaqlarında yerləşən hamamlar isti su ilə təmin olunmayıb. Meydandan qan-tər içində çıxan futbolçular məcburən soyuq su ilə yuyunurlar. Məsələ klub üçün ciddi problemə çevrilib. "Sumqayıt” üçüncü dəfədi eyni səbəbdən cərimələnir”.

Özümüzküləri birtəhər yola vermək olar. AFFA da 500 manatını alıb susacaq. Məsələ ondadır ki, Belarusun "Dinamo” (Minsk) klubu UEFA Konfrans Liqasının qrup mərhələsindəki ev oyunlarını Mehdi Hüseynzadə adına Sumqayıt şəhər stadionunda keçirəcək. Artıq UEFA da təqvimi təsdiqləyib. Minsk klubu oktyabrın 3-də Şotlandiyanın "Harts”, noyabrın 28-də Danimarkanın "Kopenhagen” və dekabrın 12-də isə Şimali İrlandiyanın "Larn” kollektivini Sumqayıtda qəbul edəcək. Belarusların hamam problemini necə həll edəcəyik? Bu gedişlə Lukaşenkonun həmyerliləri Sumqayıtda ocaq qalayıb, su qızdırmalı olacaqlar. Allah bizi o gündən qorusun!

Amal Abuşov
qaynarinfo.az


Son xəbərlər

"Sumqayıt" ölkə kubokunda buna razılaşdı

Abe, Kokauri və Əliyeva - "Böyük Dəbilqə"nin AFİŞASINDA

Azərbaycan çempionatında 1/4 final mərhələsi başlayır

"İnter" 2019-cu ildən sonra A Seriyasında ilk dəfə böyük hesabla uduzub

AFFA “Vətən” - “Neftçi” oyunu ilə bağlı araşdırmaya başladı

Oteldə qızla tanışlıq üçün qalmaqal yaradan futbolçunu belə cəzalandırdılar

Ramos bu kluba KEÇDİ

Tural Əsgərov: "Romaonun gedişi "Qarabağ"ın ziyanına işləyəcək"

Millimizin rəqibləri bəlli oldu - PÜŞK

"Arxayınlaşmaq olmaz, növbəti görüşü gözləyəcəyik"

Azərbaycan millisi Latviya çempionatında iştirak edəcək

Voleybolçularımızın komandası “Porto”ya qalib gəlib

Azərbaycan birinciliklərinə start verilib

“Azərreyl” ikinci pilləyə yüksəlib

Emin Abbasov: "Limitinin ləğvi ilə bağlı qərarı futboldan yetəri qədər anlayışı olmayan şəxslər verib"

Amit Quluzadə: "Gedənlərin qabağını kəsmədim"

Tural Piriyev: “Müasir futbolun şərtlərdən biri də odur ki...”

Diana Məmmədova rusları necə təəccübləndirib?

Mahir Şükürov yeni biznes qurdu

Joao Feliks "Milan"da

Azərbaycan Yunanıstanı qəbul edir

Autsayder “Gəncə”yə, lider “Azərreyl”ə qarşı

Londonda geridönüş - VİDEO

Nurlan Novruzov 40 yaşına kimi futbol oynamaq istəyir

AFFA-nın yeni baş katibi dəqiqləşib - RƏSMİ

İcraiyyə Komitəsinin iclasında qəbul olunan qərarlar

“Çelsi” müdafiəçisinin icarəsini razılaşdırıb

Konsept trenajorda federasiya birinciliyi keçirildi FOTOLAR

"Arsenal" "Mançester Siti"ni darmadağın etdi - VİDEO

Azərbaycanlı futbolçu oynadı, komandası bərabərə qaldı

"Böyük Dəbilqə"nin nəticələri

Hidayət Heydərov - 2024-cü ilin ən yaxşı cüdoçusu

Kənan Kərimov: “I Liqada zəif rəqib, autsayder yoxdur”

Mahmud Qurbanov: “Yəgin məni də xatırlayanlar tapılar…"

Cüdoçumuzdan möhtəşəm nəticə

Çempionlar Liqası: Pley-off mərhələsinin ilk oyunlarının vaxtı açıqlandı

Azərbaycan çempionatında IX turun oyunlarının vaxtı açıqlandı

Bütün xəbərlər
«    Fevral 2025    »
BeÇaÇCaCŞB
 12
3456789
10111213141516
17181920212223
2425262728