Azərbaycanın A komandası iki gün əvvəl Haiti millisini qonaq etdi. 90 dəqiqə sonra yığmamız məğlub oldu. Həmin qarşılaşma ilə yığma üzvümüz Toral Bayramov Forvard.az – a danışdı.

- Oyunla bağlı fikirlərin maraqlıdır...

- Qarşılaşmaya yaxşı hazırlaşmamışdıq, ilk hissədə də oyunumuz pis alınmırdı. Sadəcə son noqtəni qoya bilmədik. Əlimizdən gələni etdik, amma məğlub olduq...

- Yığmada yetəri qədər oyun keçirmiş bir futbolçu kimi hazırda düşərgədə olan gənclər barədə nə deyərdin?

- Potensialı olan gənclərdir. Tək onlar yox, hamımız toplanışda maksimum çalışırıq, məqsədimiz hər oyunda əlimizdən gələnin ən yaxşısı edib, qələbə qazanmaqdır. Haitiyə məğlub olduq, amma ümidimizi itirmirik. Düşünürəm ki, qarşıda daha yaxşı oyunlar sərgiləməklə uğurlu nəticələr qazanacağıq...

- Haitiylə matçda səni fərqli mövqedə gördük. Daha çox hücümlara yaxın vinger kimi çıxış edirdin. Bu barədə nə deyərdin?

- “Qarabağ”da da fərqli mövqelərdə oynaya bilirəm. Ona görə də vinger kimi çıxış etməyim də normaldır. Baş məşqçi məni fərqli mövqedə yoxladı, onun seçiminə hörmət edirəm. Düşünürəm ki, vinger kimi çıxışım pis alınmadı, qarşıdakı oyunda bu mövqedə oynasam daha yaxşı performans sərgiləməyə çalışacam.

- Belarusla oyuna hansı motivasiya ilə çıxacaqsız?

- Artıq Haitiyə məğlubiyyəti unutmalı və Belarusla matça fokuslanmalıyıq. Onlar bizə tanış rəqibdir, heyətlərində yaxşı oyunçular var. Buna rəğmən biz meydana yalnız qələbə üçün çıxacağıq.

ABDULLA İSMAYILOĞLU