I Liqanın XVII turunda baş tutan “Karvan” – “Zaqatala” qarşılaşmasında qonaqların futbolçusu Cəlal Cəbrayılovun burnu sındı və futbolçu əvəzləndi. Forvard.az olaraq futbolçunun səhətilə bağlı maraqlandıq.

“Karvan” ilə səfər matçında oyun epizodunda rəqib futbolçunun ayağı üzümə təmas etdi və burnum sındı. Əməliyyat olunmaq təklifi olsa da, imtina elədim. Hazırda burnuma gips qoyulub. Maya qədər burnumda gibs olacaq. Buna baxmayaraq medana çıxmağım üçün heç bir əngəl yoxdur. Xüsusi qoruyucu maska ilə oynaya bilirəm. Elə “Qəbələ” ilə görüşdə də iştirak etdim”.

Bölgə təmsilçisinin forvardı qış fasiləsindən sonra komandasının çıxışı barədə də söz açdı.

“Futbol baxımından ümumi götürəndə “Zaqatala”da vəziyyət pis deyil. Komanda olaraq hər tur meydanda əzmkarlıq göstərib maksimum nəticə qazanmağa çalışırıq. Yeganə çatışmazlığımız heyətimizin kasab olmasıdır. Bu da oyunlarda özünü göstərir”.

ABDULLA İSMAYILOĞLU