Azərbaycan güləşçisi Günay Qurbanovanın (59 kq) İdman.biz-ə müsahibəsi

- Albaniyanın paytaxtı Tiranada U-23 Avropa çempionatında qızıl medal qazandınız. Qələbə təəssüratlarınız necədir?

- Yarışa çox böyük motivasiya ilə hazırlaşmışdım. Hədəfim çempion olmaq idi. Əlimdən gələn hər şeyi edirdim ki, hazırlığım yüksək səviyyədə olsun. Qələbəyə inanırdım. Çünki məşqçim Toğrul Əsgərov bu inamı mənə ötürməyi bacarıb.

- Hansı görüşünüzü fərqləndirərdiz?

- İlk mərhələdəki rəqibim - belaruslu Marta Hetmanava kifayət qədər güclü idi. Amma final görüşü daha yaddaqalan oldu.

- Qələbə sevincini ilk olaraq kiminlə bölüşdünüz?

- Sevincimi şəxsi məşqçim Toğrul Əsgərovla bölüşdüm. Sonra digər məşqçilərlə və qızlarla danışdım.

- Bəs qələbəni kimə həsr etdiz?

- Qələbəmi mənə ilk günlərdə heç kimin inanmamağına baxmayaraq, həmişə inanan, məni qələbəyə kökləyən, məğlubiyyətlərimdə belə həmişə yanımda olan, məni ən güclü olduğuma inandıran şəxsi məşqçim Toğrul Əsgərova həsr edirəm! O olmasaydı, bu gün bu yerə yüksəlməzdim.


İdman.biz