Azərbaycanlı döyüşçü Rafael Fiziyevin yaxın vaxtlarda böyük ehtimalla ilk "beşlik"dən rəqibi olmayacaq.

Forvard.az xəbər verir ki, UFC 313 turnirində Castin Qetjiyə məğlubiyyət onun ardıcıl üçüncü uğursuzluğu olub.

Amma belə məyusedici seriyadan sonra belə, Fiziyev, görünür, reytinqdə ilk 15-likdəki yerini qoruyub saxlayacaq.

Üstəlik, son məğlubiyyətlərin də öz obyektiv səbəbləri var. O, Mateuş Qamrota zədə səbəbindən uduzub, Qetji ilə ikinci döyüşü isə qısa müddətdə reallaşıb.

Çox güman ki, Fiziyevin növbəti döyüşdəki rəqibi reytinqdə ona yaxın birisi ola bilər. Bu mənada 9-cu yerdə qərarlaşan İran əsilli amerikalı döyüşçü Beneil Dariuşla döyüş mümkün görünür.