İspaniyalı futbolçu Serxio Ramosun "Monterrey"ə keçidi rəsmiləşib.

Forvard.az xəbər verir ki, 38 yaşlı futbolçu Meksika klubunda 2025-ci ilin sonuna kimi çıxış edəcək.

Müdafiəçi "Monterrey"də 93 nömrəli formanı geyinəcək. Bu onun 2014-cü ildə "Real"ın heyətində Çempionlar Liqasında "Atletiko" ilə final matçının 90+3-cü dəqiqəsində qol vurmaqla komandasını məğlubiyyətdən xilas etməsinə bir işarədir.

Qeyd edək ki, Ramos "Sevilya" ilə müqaviləsinin müddəti başa çatandan sonra 2024-cü ilin iyulundan azad agent idi. O, əvvəllər həmçinin PSJ-də də oynayıb. "Monterrey"ə gəlincə, bu klub 2025-ci il klubların dünya çempionatının iştirakçılarından biri olacaq.