Qadınlardan ibarət Azərbaycan yığmasının üzvü Diana Məmmədova Rusiyada klubunu dəyişib. Xanım futbolçu “Yenisey”dən “Rubin”ə keçib. Zərif cins nümayəndəsi karyerasındakı yenilik və qarşıdakı hədəflər barədə Forvard.az –a danışdı.

-“Rubin”ə keçidiniz necə baş verdi?

-Komandamı dəyişdirmək fikrim çoxdan vardı. Bir oyunçu kimi başqa klublarda oynamaq istəyirdim. Mənə “Rubin”dən təklif gəldi və onların təklifinə müsbət yanaşdım.

-Yeni klubunuzda atmosfer necədi, adaptasiya prosessini necə keçirirsiz?

-Çox mehriban kollektivimiz var. Burda özümüm çox yaxşı hiss edirəm, sanki komandaya yeni gələn yox, çoxdandır burda çıxış edən biriyəm. Hazırda yeni mövsümə hazırlaşırıq.

-Qadınlar üzrə Azərbaycan çempionatı ilə Rusiya Super Liqasının başlıca fərqlərini nədə görürsüz?

-Rusiyada qadın futbol çempionatının səviyyəsi yüksəkdir. Azərbaycan qadınların çempionatı indi-indi addımladığı halda, Rusiya Super Liqasında bir-biriylə rəqabət aparan komandalar çoxdur.

-Qadınlardan ibarət Azərbaycan yığmasının üzvüsüz bu fakta görə sizə Rusiya çempionatında sizə yanaşma necədir?

-İnsanlar biləndəki mən uzun illərdir Azərbaycan millisinin şərəfini qoruyuram, buna təəccüblənmişdilər. Beynəlxaql səviyyədə millinin şərəfini qorumaq mənim üçün fəxrdir.

-Futbolçu olaraq qarşıdakı mövsümdə hədəfləriniz nədir?

-Hədəflərim sadədir – bütün oyunlarda qalib olmaq (gülür).Çempionatda mümkün qədər çoxlu yaxşı matçlar keçirmək və onların hər birindən yaxşı nəticəylə ayrılmaqdır.

ABDULLA İSMAYILOĞLU