Parisdə cüdo üzrə “Böyük Dəbilqə” turniri keçirildi.

Forvard.az xəbər verir ki, Azərbaycan yarışda 10 cüdoçu ilə təmsil olunub.

Turnirin ilk günündə Ruslan Paşayev (66 kq) çempion olub, Rəşid Məmmədəliyev (73 kq) isə bürünc medal qazanıb.

Bu gün dörd idmançımız mübarizəyə qoşulub.

81 kq
Ömər Rəcəbli Xorxe Peresə (Çili) qalib gələrək növbəti mərhələyə çıxsa da, 1/4 finalda Arnaud Areqbaya (Fransa) məğlub olub. Nəticədə təsəlliverici yarışda mübarizə aparan Rəcəbli Alpha Oumar Djalo (Fransa) və yarımfinalda uduzmuş Yoshito Hocoya (Yaponiya) qalib gələrək bürünc medal qazanıb.

100 kq
Əjdər Bağırov əvvəlcə Mark Fransua Nqayap (Fransa), sonra da Georgios Kroussaniotakis (Kipr), 1/4 finalda isə Seheon Kimə (Koreya) qalib gəlib. Yarımfinalda Cafar Kostoyevə (BƏƏ) məğlub olan cüdoçumuz bürünc uğrunda mübarizə aparıb, amma İvan Felipe Silva Moralesə (Kuba) də uduzaraq medalsız qalıb.

+100 kq
Kənan Nəsibov Marti Puumalaynenə (Finlandiya) məğlub olub.
Uşanqi Kokauri də Toma Nikiforova (Belçika) uduzub.