Misli Premyer Liqasının XX turunda sensasiya Tofiq Bəhramov adına Respublika stadionunda reallaşdı. Belə ki, “Turan Tovuz” “Qarabağ”a qarşı diş göstərək əzmkar səfər qələbəsi qazandı. “Boz qurd”un futbolçusu İsmayıl Zülfüqarlı komandasının qələbə şərhini Forvard.az – a açıqladı:

“Çempionata yaxşı başlamadıq. Doğma divarlar arasında “Kəpəz”ə böyük hesablı məğlubiyyətdən sonra “Qarabağ”la oyuna həftə boyu son dərəcə ciddi hazırlaşmışdıq. Təbii ki, son çempionun ilk dəqiqələrdən bizə təzyiq edəcəyini gözləyirdik. Buna rəğmən təslim olmayıb, onlara qarşı ciddi müqavimət göstəməyi qət etmişdik. Bu gün meydanda məşqçimizin təlimatlarını yerinə yetirdik. Meydan sahiblərinə qarşı əzmkarlıq nümayiş etdirdik. Düşünürəm ki, “Qarabağ” kimi Avropa səviyyəli komandalarla oyunda uğur qazanmaq üçün taktika arxa plana keçməli, xarakter, əzmkarlığa üstünlük verilməlidir. Son saniyəyə kimi dişimizi göstərdik və bizə lazım olan qələbəni qazandıq. Amma artıq bu qələbəni yaddan çıxarıb, qarşıdakı oyunlara hazırlaşmalıyıq. Məqsədimiz hər oyunda maksimum nəticə qazanmaqdır”.