Çempionatın II yarısına "Araz-Naxçıvan" məğlubiyyətlə başladı. Muxtar Respublika təmsilçisi səfərdə "Zirə"yə uduzdu. Naxçıvanlıların qolkiperi Kristian Avraam oyunla bağlı Forvard.az -a danışdı.

- Məğlub olduğunuz matçla bağlı fikirlərin maraqlıdır...

- "Zirə" ilə döyüşkən oyun keçdi. Sadəcə fürsətlərdən yararlana bilmədik ki, nəticədə məğlub olduq. Amma bu bizi yolumuzdan və hədəfimizdən qoparmamalıdır. Qarşıda hələ çox oyunlarımız var və mübarizə davam edir. Ruhdan düşməməliyik.

- Hər iki komanda futbolçularında aqressiya var idi. Bununla bağlı nə deyərdin?

- Hər iki tərəf xal qazanmaqda maraqlıydı. Ona görə də gərginliyin olması təbiidir və bu futbolun tərkib hissəsidir. Amma ümumi götürəndə mən futbolçular arasında aqressivlik görmədim.

- Optimist danışırsan, buna rəğmən Premyer Liqanın II pərdəsinə məğlub başlamağınız komandada mənfi abu-hava yaratmaz ki?

- Kim necə düşünürsə özü bilər. Amma komandamızda hər şey qaydasındadır. Kollektiv olaraq pozitivə köklənmişik. Kənar məsələlər fikir vermirik. Düzgün yolumuz var, ona doğru addımlayırıq. Qəmlənməməli və qarşıdakı oyunlara hazırlaşmalıyıq.


ABDULLA İSMAYILOĞLU