
İsmayıl İbrahimli: "Həmişə sürpriz etmək olar"
Bu gün "Zirə" çempionayın II yarısında ilk oyununu keçirdi. "Qartallar" doğma meydanda "Araz-Naxçıvan"ı 1:0 məğlub etməyi bacardı. Oyunda yeganə qolun müəllifi İsmayıl İbrahimli Forvard.az - a danışdı.
- Matçla bağlı fikirlərin maraqlıdır...
- İstirahətdən sonra ilk oyuna çıxmaq çətin olur. Həmçinin rəqibimizdə sıradan bir komanda yox, çempionatın 2-ci pilləsində qərarlaşan "Araz-Naxçıvan" idi. Gərgin matç oldu. Sevindirici haldır ki, final fitindən sonra meydandan qalib ayrılan biz olduq. Qalib gəlmək xoşdur, amma artıq bu qarşılaşmanı unudub irəlidəki oyunlara fokuslanmalıyıq.
- Çempionatın II pərdəsinə qələbəylə başladız. Mükafatçılar sırasında əsas rəqibləriniz "Araz-Naxçıvan", "Turan Tovuz"du. Aradakı xal fərqini əridə biləcəksizmi?
- Başlıca məqsədimiz budur. Biz hər oyuna ciddi hazırlaşır və maksimum nəticə göstərməyə fokislanmışıq. Təbii ki, hər turda qələbə qazanmaq çətin olacaq. Amma qarşımıza qoyduğumuz hədəf üçün sona qədər döyüşəcəyik.
- Bu gün komandanın yeganə qolunu vurdun. İkiqat sevinclisənmi?
- Qol vurduğuma görə şadam. Amma əsas odur ki, komandam qalib gəldi.
- Müqavilə ilə məxsus olduğun "Qarabağ"ı qarşıda Avropa Liqasında son oyunları gözləyir. Səncə, Ağdam təmsilçisi sürpriz göstərib növbəti mərhələyə keçə biləcəkmi?
- Həmişə sürpriz etmək olar. "Qarabağ" bu mövsüm nəticələri ürəkaçan olmasa da, onların sərgilədikləri oyunlara baxsaq, hər biri qələbəyə layiq matçlar idi. Sadəcə şansızlıq, bəxtsizlik oldu. Buna rəğmən "süvarilər"in hələ də şansları qalldığını düşünürəm. Onlara uğurlar arzu edirəm.
ABDULLA İSMAYILOĞLU
Son xəbərlər
Ən çox oxunanlar
- Bu gün
- Bu həftə
- Bu ay