Bu gün Premyer Liqanın II yarısına “Qarabağ” – “Şamaxı” oyunu ilə start verildi. Çoxları Ağdam təmsilçisinin asan qələbə qazanacağını gözləsə də, “şirlər” meydan sahiblərinə qarşı güclü müqavimət göstərdi. Qurban Qurbanovun komandası çətinliklə qələbə qazana bildi. Şamaxılıların sırasında özünü yaxşı tərəfdən göstərən və “süvarilər”in qapısına yol tapan Belajdi Pusi matçdan sonra Forvard.az – a danışdı

- Bu gün gərgin 90 dəqiqə izlədik, oyunla bağlı fikirlərin maraqlıdır

- Hamı “Qarabağ”ın gücünə, səviyyəsinə bələddir. Buna rəğmən rəqibdən çəkinmədik, döyüşdük. Hesab edirəm ki, pis matç olmadı. Sadəcə məğlub olduğumuza təəssüf edirəm.

- Rəqib qol vurduqca siz inadkarcasına döyüşüb iki dəfə status-kvonu bərpa etdiz. Amma sonda avtoqol ilə məğlub olduz. Bu nəyin nəticəsidir?

- “Qarabağ” top saxlamaqla bizə güclü təzyiq edirdi. Təbii ki, bizdə özümüzü göstərərək xoşbəxtliyi rəqibin qapısı ağzında axtarmağa çalışdıq. Amma bəxtsizlikdən istəyimizə nail olmadıq.

- “Qarabağ”ın qapısına qol vurdun, həmçinin komandanın ikinci qolunda da böyük pay sahibi oldun. Bu barədə nə deyərdin?

- Həmişə özümü yaxşı tərəfdən göstərərək komandama kömək etmək istəyirəm. Bu bəzən alınır, bəzən yox. Amma gələcək oyunlarımda daha da yaxşı olmağa çalışacam.

- Bu gün məğlub olsaz da, döyüşkən futbol sərgilədiz. Bu tempi qoruya biləcəksizmi?

- Əlbəttə ki, bu tempi qoruyacağıq. Bunun üçün yetəri qədər gücümüz və yaxşı heyətimiz var.