
Futbol / Gündəm
23.12.2024, 14:48
Musa Qurbanlı: "Əsas odur ki, biz mübarizədən qopmayaq"
Dünən "Qarabağ" doğma divarlar arasında "Araz-Naxçıvan" məğlub etdi. Bu qələbə sayəsində "süvarilər" liderliyini bir qədər də möhkəmləndirərək qış fasiləsinə yollandı.
Matçdan sonra qonaqların futbolçusu Musa Qurbanlı Forvard.az-a müsahibə verdi.
- Çempionatın ilk yarısı başa çatdı və qış çempionu kimi fasiləyə yollanırsız. Fikirləriin maraqlıdır...
- Premyer Liqanın ilk yarısını yaxşı qiymətləndirirəm. Çox gərgin və yadda qalan matçlarımız oldu. "Şamaxı"ilə təxirə salınan oyunda qalib gəlməklə çempionluğumuzu rəsmləşdirsək də, "Araz-Naxçıvan"la görüş bizim üçün çox vacib idi. Şükürlər olsun, bu matçda da qalib gəlməklə ən yaxın izləyicimizlə xal fərqini 8 -ə qaldırdıq. Amma bu bizi arxayınlaşdırmamalıdır. Çempionatın marafonu hələ uzundur.
- Qarşıdan toplanış və Avropa Liqasında oyunlar gəlir. Bu barədə nə deyərdin?
- Qış fasiləsindən maksimum yararlanmaqla həm avrokubok oyunlarına, həm də çempionatın ikinci yarısına yaxşı hazırlaşmalıyıq. Avropa Liqasındakı son matçlarımızda maksimum nəticəyə köklənmişik.
- Son oyunlarda daha yaxşı çıxış edir, qollar vurursan. Performansın haqqında nə deyərdin?
- Bildiyiniz kimi zədəyə görə bir müddət kənarda qaldım. Sonra formamı bərpa etməklə məşğul idim. Hazırda şans qazanıram. Amma hazırkı performansımdan razı deyiləm. Daha yaxşı formaya sahib olmalıyam. Odur ki, hələ üzərimdə çox çalışmalıyam.
- Qarşına bombardir olmaq hədəfi qoymusanmı?
- Təbii ki, "Qarabağ" camiyası olaraq həmişə yaxşı yerlər uğrunda mübarizə aparmağı hədəfləyirik. Bir futbolçu kimi mən də həm komandamın, həm də özümün inkişafımda maraqlıyam. Amma bombardir olmağımla bağlı indidən nəsə deyə bilmərəm. Məqsədim hər oyunda maksimum gücümü ortaya qoymaq və komandama fayda verməkdir.
- Artıq yığmamızın da rəqibləri bəllidir. Çətin qrupa düşmüşük bu barədə nə fikirləşirsən?
- Qrupumuzda güclü rəqiblərlə mübarizə aparacağıq. Çalışacağıq ki, hər oyunda döyüşkənlik sərgiləyək və xal götürək.
- Səncə, yığmamız sürpriz edə bilərmi?
- Futbol sürpriz nəticələriylə məşhur idman növüdür. Odur ki, hər şey mümkündür. Əsas odur ki, biz mübarizədən qopmayaq.
ABDULLA İSMAYILOĞLU
Son xəbərlər
Ən çox oxunanlar
- Bu gün
- Bu həftə
- Bu ay