
Pavol Şafranko: “Onunla birlikdə böyük uğurlara imza atacağıq”
Misli Premyer Liqasının 17-ci turunda "Sabah" səfərdə "Araz-Naxçıvan"ı məğlub etdi. Dünən isə "Qarabağ" doğma meydanda "Sumqayıt"ı darmadağın etməklə liderliyə geri döndü. "Bayquşlar"ın futbolçusu Pavol Şafranko qazandıqları qələbəylə bağlı Forvard.az - a danışdı.
- Oyun barədə fikirlərin maraqlıdır...
- Çətin oyun oldu. Buna baxmayaraq 3 xal qazanmağı bacardıq. Qalib gəldiyimizə görə şadam. "Araz-Naxçıvan" həm müdafiə xəttinə malik, həm komanda olaraq yaxşıdırlar.
- "Araz-Naxçıvan" 16 oyun idi məğlub olmur, yaxşı oynayır və qələbələr sıralayırdı. Bu barədə nə deyərdin?
- Bu oyuna yaxşı hazırlaşmışdıq. Rəqibi yaxşı analiz etmişdik. Meydanda məşqçilərimizin tapşırıqlarını yerinə yetirdik. İnanıram ki, öz üzərimizdə çalışmaqla daha yaxşı olacağıq.
- Komandanıza yeni baş məşqçi gəldi. Berezutski haqqında nə deyərdin?
- Əvvəla onu deyim ki Berezutski Rusiyada çox böyük karyerası olub. Baş məşqçi kimi fəaliyyətinə yeni başlasa da həm onun, həm də məşqçilər heyətinin hazırkı fəaliyyəti ilə bağlı ancaq müsbət şeylər demək olar. İnanıram ki, onunla birlikdə uğurlu nəticələrə imza atacağıq.
ABDULLA İSMAYILOĞLU
Son xəbərlər
Ən çox oxunanlar
- Bu gün
- Bu həftə
- Bu ay