Dünən “Neftçi” doğma publika qarşısında “Zirə”ni 2:1 məğlub etdi. Oyundan sonra “ağ-qaralar”ın futbolçusu Edvin Kuçun qələbə şərhi belə olub:

“Şamaxı” ilə oyunda 2 top fərqiylə irəlidə olsaq da, hesabı qoruya bilməmişdik və rəqib iki qol vuraraq status-kvonu bərpa etməyə nail olmuşdu. Bu qarşılaşmadan sonra yığmanın oyunları ilə əlaqədar fasilə yarandı. Toparlanmaq üçün 15 gün vaxtımız vardı. Bu müddətdən sonra maksimum çalışdıq ki, “Zirə” ilə matça yaxşı hazırlaşaq və qələbə qazanaq. Düşünürəm ki, dünən rəqib üzərində layiqli qələbə qazandıq”.

Monteneqrolu oyunçu milli komandalarının Türkiyə üzərində qələbəsindən də söz açdı:

“Həm klubumda, həm də yığmamda neqativ nəticə vardı.Türkiyə ilə oyunda bizim üçün çox çətin oldu. Millətlər Liqasında uğursuz çıxış edirdik. Buna rəğmən Türkiyə üzərində qələbə həm mənə, həm millimizə əlavə güc və inam verdi. Ay-ulduzlular üzərində zəfərə görə sevincliyəm”

ABDULLA İSMAYILOĞLU