Kinqsli Koman futbol tarixinə maraqlı statistika ilə düşüb.

İdman.biz xəbər verir ki, o, Fransa yığmasının heyətində meydana çıxdığı 58 oyunun heç birini tam keçirməyib.

28 yaşlı yarımmüdafiəçi ya əvəzlənib, ya da meydana sonradan daxil olub. Koman yalnız 1 dəfə tam oyun keçirməyə çox yaxın olub. Amma görüşün bitməsinə 2 dəqiqə qalmış baş məşqçi Didye Deşam onu əvəzləyib.

Qeyd edək ki, Kinqsli 58 matçda 8 dəfə fərqlənib. O, DÇ-2022 və AVRO-2016-nın finalçısıdır.