Dünya boksunun canlı əfsanəsi Mayk Tayson tanınmış bloqer Ceyk Pola məğlub olub.

Forvard.az xəbər verir ki, C.Pol Texas ştatının Arlinqton şəhərindəki AT&T arenada təşkil olunan peşəkar boks gecəsində hakimlərin yekdil qərarı ilə qalib elan olunub - 79:73.

Qarşılaşma 8 raunddan ibarət olub.

Qeyd edək ki, 58 yaşlı Tayson peşəkar karyerası ərzində buna qədər keçirdiyi 56 döyüşün 50-də qələbə qazanıb, 6-da isə məğlub olub. O, peşəkar karyerasını 2005-ci ildə başa vurmuşdu.

Ceyk Pol isə əvvəlki 11 döyüşün 10-da qələbə qazanıb, 1-də məğlub olmuşdu.